باسم الذي من عطفه الناس يرجون = رب كريم كلنا في نطاقه
يالله ياربي لك الحمد منون = والك الشكر جودك سريع اندفاقه
جملتنا ياوالي العرش بعيون = ناس لهم بالطيب مبدا وساقه
ناس تعرف الطيب لوكان مكنون = اللي بجيبه للمراجل بطاقه
طيب وله بالطيب شرع وقانون = على الكرم والجود جود رواقه
من لابة يوم المواقيف يثنون = تاريخهم ماهوب زور ولفاقه
انته من اللي في الملاقا يلاقون = ذباحة الحايل وللخصم اعاقه
عتيبه الهيلا للامجاد يردون = مثل النهار اليا تبين شراقه
عتيبه الهيلا على الخصم يركون = وتسنع اللي وهقته الحماقه
شهادتك يالدلبحي كونها كون = مثل العسل لاجاك حلو مذاقه
ترى الشهادة من هل العرف والصون = تغني عن اللي ماتبا الا فراقه
المدح يسند صوب من يستحقون = ماهوب يهدى للشكل والاناقه
المدح من بين الرجاجيل مفتون = بينه ومن بين النشامى عشاقه
واليوم ربعي كلبوهم يردون = من جالك بعلم يشرف فلاقه
كل الدواسر يالعتيبي يودون = الك التحية من جميع الرفاقه
وختامها ياللي مع الهرج توحون = صلو على اللي زال عنا الحماقه

المشاركة الأصلية كتبت بواسطة محمد الذيابي (المشاركة 1194813) صح لساااااااااااااانه

المشاركة الأصلية كتبت بواسطة شافي النتيفات (المشاركة 1195002) ياالله دخيلك ما الله وامرك تحطني معه وتقول صح لسانك ولسانه على كل حال شكرا على المرور

المشاركة الأصلية كتبت بواسطة جريح الصمت (المشاركة 1194821) قصيده جزله بيض الله وجهك