ياطويق فاح العبير وفاحت الدله=وحنا ورى حلمنا تركض خطاوينا
ياطويق راسك ركزنا العشق في ظله=لا تلحِق الحال شرهه كل ماجينا
وش حيلة الخل دام أنه بغى خله=مدام هذي مطالبنا وأمانينا
ياطويق قلبي ماكل إنسان يقبلّه=لو العذارى تسوق الموج للمينا
عشت وشربت التعب دقه على جله=من شأن هقوة عزيزٍ هاقيٍ فينا
عشنا وكلن مع أيامه تخيل له=صوره لمستقبلٍ يرقب حراوينا
أثنين نطوي شريط العشق ونهله=ولو تنشد الشمس نادتنا بأسامينا
أنخاوي الليل ماتطري لنا الذله=وشواهد الحال فالدنيا مسارينا
وإليا سرى الشوق فالشريان وأحتله=عز الله إن البحر ماعاد يروينا
واليوم لغز التعب فالوجه من حله=مادامه الظلم يرفعنا ويرخينا
إندق هيل التعب بالعزم ونزله=من محجر العين لين العين ترثينا
ولو نعتذر عذرنا ماهو على المله=مستقبل العشق يشره فوق ماضينا
للوقت غدره وتجتاح العمر كله=أشوفها فوق شوك الظلم ترمينا
يا أول الناس في قلبي ولا بله=إلا أخر إنسان يسكن فالشرايينا
عشنا نزف الغلا فالقلب ونجله=ونكبر وتكبر مع الدنيا هقاوينا
والوقت ظالم ولا لحظوظنا طله=وعمري وعمرك غدى ماظن يمدينا

المشاركة الأصلية كتبت بواسطة محمد موسى المقاطي (المشاركة 1201495) صح السانك يا مرزوق تقبل مروري

المشاركة الأصلية كتبت بواسطة سعد بن مطلق المقاطي (المشاركة 1201509) ونـكـبــر وتـكـبــر مـــــع الـدنــيــا هـقـاويـنــا الله الله صح لســـــــــــــااااااااااااااااااااااانك

المشاركة الأصلية كتبت بواسطة أبن حشيان (المشاركة 1201572) مرزوق ابن دهيم صح لسانك يالغالي قصايدك في منتهى الروعه صراحه تقبل مرووووووووووووووري

المشاركة الأصلية كتبت بواسطة عزارم (المشاركة 1201603) صح لسانك ياطيب