باب الضيافه ياعرب لايسكر=خلوه مفتوحٍ لكل المسايير
اليا لفا طرقي هجاد او مبكر=يلقا المرحب و الدلال المباهير
وعلومٍ بهيل الجزاله تحكر=الذ واحلى من حليب المصاغير
وراع الجماله بالجمايل يذكر=بين الرجال الطيبن المناعير
لون تال الوقت جوه تعكر=مدري من العربان والا المقادير
اشوف بعض الناس قام يتنكر=في واجب الضيفان يصنع معاذير
امسيب ضيوفه مغير يتمكر=مايعزم الا اللي يحط الدنانير
دايم يرحبله وبالهرج سكر= ولاهيب لله من وراها مداوير
واللي ذبح لجل المصالح يفكر=ماينفعه لـو بدل الحيل ببعير
ذبحٍ لغير الله فلا لـه مشكر=وهذا ومثله ياعساه المخاسير
ودك من علوم المراجل ينكر=ويقاطعونه فالعجل دون تاخير
وانا مااعم الناس لوقلت اذكر =وصوير عله عقبها يبلغ عوير

المشاركة الأصلية كتبت بواسطة عثمان الثبيتي (المشاركة 1203922) صح السانك مليون

المشاركة الأصلية كتبت بواسطة فايح الفجري (المشاركة 1203976) صح السانك ولاهنت

المشاركة الأصلية كتبت بواسطة سعد بن مطلق المقاطي (المشاركة 1203985) كفو كفو صح لساااااااااااااااانك يابن مشيب

المشاركة الأصلية كتبت بواسطة راعي الزرقا (المشاركة 1203994) صح لسانك كفو يابن مشيب تقبل مروري