الله اللي عالم احوال البشر=عالم الاسرار الهادي البصير
واهبن عبده وما خذ ما ظفر=يبتليه وينصر العبد الفقير
موت من في الكون حق لا مفر=حاصل(ن) للي صغير(ن)او كبير
كنت اسولف عن سواليف القدر=في ضنايا ما هقيته لي يصير
صار في جدي وصار الي صدر=شافه الدكتور وقال امر(ن)خطير
مرت ايام وليالينا شهر=نحسب ايامه وربي به خبير
في شهر شعبان جاء أصعب خبر=قالوا اليوم لفالح اخير
راح وروح القلب يوم الله امر=هي امانه ويا كبرها من كبير
هلت دموعي وانا اشوف القبر=حانت الفرقى علينا والهجير
شمعة البيت ذابت من قدر=صورته قدام عيني تستنير
لا ذكرته زاد همي والكدر=اكتم انفاسي واترجمها زفير
يالله اني طالب(ن)منك الصبر=فرج همي وغمي من هجير
وطالبك يا سيدي روض وقصر=في جنان الخلد ينعم بالمصير

المشاركة الأصلية كتبت بواسطة فهد العازمي العتيبي (المشاركة 1204592) .. صح لسانك ولاهنت والله يرحم جدك ويسكنه فسيح جناته ،،،

المشاركة الأصلية كتبت بواسطة عناد الشيباني (المشاركة 1204662) الله يرحم جدك وصح الساانك .. .. أخوك:عناد الشيباني