ياسعود لو معشوقتك كنها نوف = اللي كوت قلبي وزادة احروقه
من الرياض الى سكاكا الى الجوف = اتعبت انا الكزس وعيني شفوقه
ياسعود انا ابغا اشوفها بالنظر شوف = دورتها بالجوف بره وسوقه
لارقم هاتفها ولا البيت معروف = وعبرات عيني من الفراق امخنوقه
من بيننا شدة مواثيق وحلوف = واللي لمح وسط السحايب ابروقه
هي تشتكي من قسوة الوقت والخوق = وانا حلفت بعهدنا مانبوقه
مير العطور اللي تذكرني ابنوف = توقف مسير الدم داخل عروقه
ياسعود لوهي باحمر المال وسيوف = اللي طلبه الترف والله لسوقه
ابوعيونن سود والخصر منحوف = وريق يجنن كل وحدن يذوقه
اجمل جمال الغيد بالصدر واردوف = وهي من جميع اطيافهن امخلوقه
من الرياض الى سكاكا الى الجوف = اتعبت انا الكزس وعيني شفوقه

مـن الريـاض الـى سكاكـا الـى الجـوف=اتـعـبـت انـــا الـكــزس وعـيـنـي شـفـوقـه