ودعتك الله ياهوى البال في خير=ودعتك اللي في يديه الخلايف
غصب"علينا فرقتنا المدابير = منته بعايفني ولاني بعايف
حبك بقلبي غير وانته بعد غير= مالك شبيه ولا لحسنك وصايف
في مهجتي قدرك حفضته عن الغير= متحظنه بأقصى الضلوع النحايف
قربك منا قلبي وقلبي كما الطير= يمك شلع ياسيد كل العفايف
مير البلا فامسيرات المقادير= اللي قساها مثل حد الرهايف
على المحبه من زمنا تقاصير= ودون الهقاوي من زمنا كلايف
اشقيت رجلي بالمشي والمداوير= واشقيت عيني بالدموع الذرايف
اسلي الخاطر بكثر المشاوير = واسج رجلي بالرجوم النوايف
وافهق ضلوعي للهوى تالي اعصير = واعض بالنيبان روس الشفايف
واقول ودعتك على خير ياخير = تبقا الوليف اللي عليك الحسايف

المشاركة الأصلية كتبت بواسطة مرزوق حمدان العتيبي (المشاركة 1216109) .. . الله الله صح لسانكــ

المشاركة الأصلية كتبت بواسطة فيصل مطر (المشاركة 1216142) صـــــــــــــح لســـــــــــــــانـــــــــكـ تقبل مروري

المشاركة الأصلية كتبت بواسطة أبن حشيان (المشاركة 1216238) صح لسانك ابو فلاج الله يعطيك العافيه تحياتي لك

المشاركة الأصلية كتبت بواسطة محمد الذيابي (المشاركة 1216272) صح لساااااااااااانه واعتلا شاااااااااانه