سبحان من نزّل تبارك والانفال=الواحد اللي كل الامات ترجيه
وابدا كلامي وانثر الدمع همال=دمعٍ على خدي يبله ويسقيه
ماهوب انا الباكي معي ناس واجيال=تبيكيه بفراقه وبالموت تنعيه
والدين وعلوم الرياجيل والمال=والطيب والفنجال شفقا وتبكيه
الجود عقبك يابيّض الوجه ينقال=انه يتيم ولا لقى من يهاويه
والدار عقبك مالها انوار وظلال=موحش ولو ان النشامى تجي فيه
ياعم والله صار يضرب بك امثال=يافزعة اللي كل من جاك تشفيه
علمتنا ان الدين هو ساس الاعمال=وعلمتنا الايمان لازم نخاويه
وعلمتنا حب اليتاملى والاطفال=وعلمتنا الدين الحنيف ونواهيه
وعلمتنا نبعد عن النجس والضال=ناسٍ مريضه تمرض اللي تماشيه
قليل شكله يوم اميز بالاشكال=رجلٍ تحدى الصعب والرب معطيه
طيب وكرم واخلاص ياطيب الفال=كل العلوم الطيبه تجتمع فيه
انا اشهد انه صادق افعال واقوال= والله يبيحه كل ماحل طاريه
في ذمتي ماغاب لحظه عن البال=وانه على بالي ولاني بناسيه
ياتاج راسي لو كثرت الاقوال=قدرك كبير وكلمتي ماتساويه
يالله ياللي تنقل الحال من حال=ارجيك من شدات الاهوال تنجيه
يارب تجعل بجنتك منزال=ويارب من حوض النبيين تسقيه

المشاركة الأصلية كتبت بواسطة عبدالرحمن عطالله العتيبي (المشاركة 1217497) عظم الله أجركم وأحسن الله عزاكم الله يرحمه ان شاء الله وفي الجنة مسكنه

المشاركة الأصلية كتبت بواسطة مرزوق حمدان العتيبي (المشاركة 1217508) .. . يالله ياللي تنقل الحال من حال ارجيك من شدات الاهوال تنجيه يارب تجعل له بجنتك منزال ويارب من حوض النبيين تسقيه آآآآآآآآآآآآآآآمين الله يغفر له ولأموات المسلمين مرثيه رائعه بكل المقاييس لافض فوك ....

المشاركة الأصلية كتبت بواسطة أبن حشيان (المشاركة 1217528) الله يسكنه الجنه ومعوضين خير ان شاء الله صح لسااااانك يالطيب تعازي لك

المشاركة الأصلية كتبت بواسطة العتيبي أبا غيث (المشاركة 1217531) عظم الله أجركم وأحسن الله عزاكم اخوي محمد صح الله لسانك على القصيدة الرائعة والله يرحمة ويسكنة الجنة