ماجيت أجرب حظي .. أفوز .. ماأفوز = ولاجيت أجرب طعم مر الخساره
الرقم قدام آصل الدور محجوز = وراع الصداره مركزه فالصداره
هذا وأبه غيري مداغيش ورموز = مثل الكواكب تعتلي في مداره
هاذي شواهد بصمتي .. لأسمي بروز= وتفاوت الأفكار عرف وصقاره
الشعر وش به يشكي الباس والعوز =على عماره ناس تبني دماره
غدا جناب الشعر منفي ومهزوز = قلل قليل العرف قيمة وقاره
فكر ٍ يجوز يخون شعار ويجوز = شعر ٍ يخون الفكر وقت أختباره
وشعر ٍ على تشفير وأسقاط ولغوز = في قمة حضوره سقوط أعتباره
العرض فردي لكن البيع بالجوز = أما بخشم ريال ولا أستعاره
ياللي على أعجاب الجماهير بتحوز = لاهنت تحصدها بمعنى العباره
كذا إذا بالفعل تقدر على الهوز = هز الرواسي بالأدب وأبتكاره
والاّ فلا بيرق لحضّرتك مركوز = هيكل بلا فكره ومعنى أستثاره
هذا مجرد رأي ماأقول لك جوز = بس أنتبه كبدك .. وفقع المراره
والكنز في صندوق الأسرار مكنوز = والفكر مفتاحه وقدح الشراره

المشاركة الأصلية كتبت بواسطة مرزوق حمدان العتيبي (المشاركة 1217830) .. . فاخره ياسعد وجزاله وانت راعيها صح لسانك واعتلا شانك . سعداء بتواجدك ياسعد فلاتحرمنا ابداعك ... .

المشاركة الأصلية كتبت بواسطة ذعير العالي (المشاركة 1217848) سعد المسعودي صح الساااااااااااااااانك وبيض الله وجهك

المشاركة الأصلية كتبت بواسطة فايز بن سرحان الثبيتي (المشاركة 1217879) صح لساااانك وكلك قصيده نقديه فاخره مرحبا بك بيننا ياسعد ومرحبا بفكرك ومداد قلمك "