الكلمة اللـي جاتنـي مالهـا اسبـاب=ازريـت ادور راسهـا مـن ذنبـهـا
منها يشيب الراس لـو كـان ماشـاب=ومنهـا تبـرى الطيبـه مـن عربهـا
ومنها الجنون ايوالج اصحاب الالبـاب=مهولـة (ن) فـي بعدهـا فـي كثبهـا
جتني من اللـي ملـك الذيـخ للغـاب=نطقبـهـا لـكـن جـوفـي كتبـهـا
يلـدغ لسانـه مثـل مايلـدغ الـداب=والمرخمه فـي عـز مهـده شربهـا
بيـن العـرب نمـام كـذاب مغتـاب=والشينه ان راحت تعـب فـي طلبهـا
مااضن تلقاله مـن العالـم اصحـاب=والـلـي مثيـلـه لازم(ن) نجتنبـهـا
لكن سلم لي على اصحـاب الاشنـاب=اللـي علومـه مدمنيـن(ن) طربـهـا
في حزة الماجـوب موجـود ماغـاب=وان غاب من حاجه مهول (ن) سببهـا
يحسب كلامـه قبـل ميـال الارقـاب=فـي حفـرة(ن) والـنـار زود حطبـهـا
ان سمعلـه كلـمـه لاودا ولاجــاب=وخلـى المطيـة لاهلـهـا تحتلبـهـا
ياالله تديم البيـت مركـوز الاطنـاب=وتسحق هل الخربات واسحق خربهـا
قلته واشيل الصوت في راس مرقـاب=ابيـوت (ن) ايسابـق سببهـا شببهـا
وتبقى الروؤس ارؤووس ماترجع اذناب=وتبقـى الجليبـه قسـم منهـو جلبهـا

المشاركة الأصلية كتبت بواسطة حمود بن خيشوم العصيمي (المشاركة 1225730) صح لسااااانك يافلاح والبيت الاخير لو كلمة الرؤس جاءت في بداية الشطر اظن كان البيت اكثر انسيابيه يعطيك العافيه وتقبل مروري ولك تحياتي

المشاركة الأصلية كتبت بواسطة محمد الذيابي (المشاركة 1225762) ,’ صح لسانك يالغالي فلاح

المشاركة الأصلية كتبت بواسطة متعب الند (المشاركة 1225861) صح السانك مليوون ...غنيت اوفيت...