السلام عليكم ورحمة الله وبركاته

بويتات كيبورديّه .. تقبلوها كما هيّ

ياليل تكفى بشّر العين بإشراق = والا تبشـّرها برحله سعيــده
رحله لعين اللي اذا خاطري ضاق=يوسّعه عبر ابتسامه فريده
والطايره اقلعبها فوق الاوراق=والتذكره فكرة قصيده جديده
مشتاق ياليل الشقى صدق مشتاق=شوقٍ هواجيسي لشوفه تزيده
والوصل من غيبوبته ليه مافاق؟= ومغذيّآت الشوق تملى وريده
الظاهر اني من بنادول الاشواق=عطيت احاسيسه وصارت بليده
لكنّي آحبه محبـّـه من اعماق=من كثر ماحبه كتبته قصيــده
أحر من جمر الغظى جمرة افراق=وأبرد من أنسام المواصل جليده
وآظلم من الليله ظلامٍ ورى إشفاق=لآغمـّـضت عيني همومَي عنيده
شوقي لكلمه منه محرقني احراق=مشتب صدري للمشاعر وقيده
وجواله مقـّفل وقفـّل بالأخــلاق=وآخاف شاري له شريحه جديده
وكرهت ذاك اللي لياكنت له دآق=قال اتصآلك وقت لاحق تعيده
شلون ابصبر الصبر كيف ينطاق؟= والصبر في سلم الهوى ما اجيده

وسلآمتكوم

:wardah: