يافقيه ارتاح من سرد الكلام=لاهويه لك ولارض ولاش دين
لاتحلل نقطة الدم الحرام=من دمي الغآفلين الآمنين
موبقه تحسب من السبع العظام=حرموها الا نبيا والمرسلين
كان في راسك وفي خشمك عرام=أنصنا وأنا كعام العايلن
فالبلاد الي موحدها اليمام=مولد ومسرى نبي الثقلين
يوم وحد قام فيها واستقام=وحدالله والصفوف موحدين
ماتفرقها خفافيش الظلام=لوتجيها من يسار ومن يمين
يارياض المجد ياكل المرام=قرة عيون الجدود الاولين
والله ان يصيبني مثل الهيام=لين اشوفك بالنظر شوفن يقين
واحة الاسلام في دار السلام=الملك مسلم وشعبه مسلمين
دام عزك يابلاد العز دام=عزك الله رغم أنوف الحاقدين
تحيت راية خادم البيت الحرام=وابوخالد والي العهد الامين

المشاركة الأصلية كتبت بواسطة محمد الذيابي (المشاركة 1228191) صح لسانك يابو مطر كفيت ووفيت والله يحمي بلادنا من كل مكروه

المشاركة الأصلية كتبت بواسطة متعب الند (المشاركة 1228196) صح السانك ...يبو مطر ...............غنيت واجدة المعناء والنظم صح السانك وتقبل مروري

المشاركة الأصلية كتبت بواسطة أبن حشيان (المشاركة 1228200) صح لسانك ابو مطر الله يعطيك العافيه لك شكري وامتناني

المشاركة الأصلية كتبت بواسطة عناد الشيباني (المشاركة 1228257) فيصل صح الساااااااااانك ولاهنت طال عمرك