الله يصبرنا علـى مـوت سلطـان=
ويصبر الدولـه ويحسـن عزاهـا =
ياصارم عتيبه عقب موت سلطـان=
عفت الحياة وعفـت لـذة مناهـا =
حي البيوت اللي لفت بإسم سلطان=
ومن شرف الموضوع يلقى صداهـا =
في منتدى الهيلا قروم ٍ وشجعـان=
وتواسي الدولـة وتحسـن عزاهـا =
ما مت باقي حـي ياطيـر حـوران=
ذكراك وسط القلب محـد ٍ نساهـا =
يا صادق النيـة ويانسـل شقـران=
تبكيك رملا ( ن ) تجتهد في دعاها =
عز الله ان المملكة تعنـي إنسـان=
سلطان يا طـب القلـوب ودواهـا =
في منتدى الهيلا زحازيـح عتبـان=
أهل الفعـول اللـي بعيـد ٍ مدآهـآ =
إنعزي آل سعود في كل مـا كـان=
أهل الشموخ اللـي يـذرّي ذراهـا =
راح الكريم اللي به الطيب عنـوان=
وتاه الطريق بنجد وأظلـم سماهـا =
المملكة تنعاك بـدون ٍ وحضـران=
وكل الـدول بشيوخهـا وأفقراهـا =
الموت حق وموت ذربين الايمـآن=
يهدم بيوت ٍ عامـره مـن عطاهـا =
ما هان راسك يابيض الوجه ماهان=
وعيني على عشق البكى وش حداها =
الموت مايعرفـك يـاذرب الايمـان=
ولا أخذ غيـرك وروحـك عفاهـا =
مرحوم ياسمـح المحيـا كحيـلان=
تبكي عليـك العيـن وتهـل ماهـا =
ما ألوم عين ٍ دمعها فوق الاوجـان=
هلت غزيـر الدمـع ممـا دهاهـا =
حتى الحزن خيّم على كل الاوطـآن=
غآب الامير وغاب عنهـا رضاهـا =
يحاضـن الأيتـام شبّـن وشيبـان=
في ماضي الازمآن منهـو غذاهـا =
سلطآن رجل المملكة وأخو سلمـان=
ذكراك تبقى ساطعـه فـي سماهـا =
سلطآن موتك حرك أشعوب وآوطآن=
هـز الـدول بشعوبهـا وسفراهـا =
من لامني في دمعة العين غلطـان=
دمعة فراق ٍ سبلـت ونثرت ماهـا =
يالله عسى الفردوس منزل ومسكان=
ينعم بهـا ويشـم نسمـة هواهـا =
مرحوم ياسلطان والـدرب سلطـان=
المملكـة تبكـي ويبكـي حصاهـا =
يا رب انا طالبـك تغفـر لسلطـان=
أعـداد دنيـا كبهـا مـا خـذاهـا =

المشاركة الأصلية كتبت بواسطة قيس الملوح (المشاركة 1236616) نعم ياخي صارم البيت مكسور بالعربي وهذه ليست قصيده مع احترامي لك مجرد كلام مجمع غير مرتب والوقفات مكرره بشكل كبير فلو بحثت عن بيت واحد لتشيدبه ماوجدت هذه وجهت نظر بأمكانك تحترمها وبأمكانك ترفضها