جتني رسالة عندنا مالها أجنـاس=فريـدة فكـر الحبـردي سطرهـا
رسالة من واحد(ن) يرفع الـراس=وافعاله الجـزلات يجنـي ثمرهـا
الطيب له غاية ومبـدا ونبـراس=ومسيرته بالفعل كـل(ن) شكرهـا
مع صغر سنه صار له دور حساس=وصفحات علمه بالمراجع نشرهـا
صاف (ن) ضميره ماختلج فيه وسواس=وساوس الشيطان عقلـه قهرهـا
وان صار بالموضوع واشي وبلاس=أبحكمته كـل المشاكـل قصرهـا
يمشي على وضح النقا ثبت وقياس=وان شاف غلطه بالمواقف سترهـا
عزيز نفس ولاتبع درب الأدنـاس=ومن الردى والشين نفسـه قدرهـا
يعيش أبو عساف ماواجه البـاس=وأحلى ظروف إتمر يقطف زهرهـا
ويبلغ مرامه فالمراجـل ونومـاس= ودنياه في طاعة رسولـه عمرهـا