الضاهر انك في منامك تحلمـــــت = واليا معك كل السيوف الرهافــــــــي
ماهي كذا يالي فزعت وتحزمــــــــت=نزل حزامك ودعاوي عوافـــــــــــــــي
مادام من بعض السوالف تحطمــــت =وحنا منول نحسبنك سنافـــــــــــــــي
ليتك سكت عن الحكي ماتكلــــــــمت= وسمعت ويش توجيه لصقرالنصافـي
ترى حلات الرجل لو يلزم الصمـــــت =اخير من بعض العلوم الهوافـــــــــــي
امادرست مع الرجال وتعلمـــــــــــــت=ولا تعود مثل غيرك خلافــــــــــــــــــي
وان كان في اسلوم العرب ماتقدمت =لاتحسبنك فاالمواجيب وافـــــــــــــي
حللت في سلم العوارف وحرمـــــت = واليوم مايرفا سواياك رافـــــــــــــــي
ريح ضميرك واسترح لو تكرمـــــــــت =خلاص باين كل ماكان خافــــــــــــــــي