ياديرتن فيك مسراحي و مرواحي=عسى المطر من صدوق الوسم يسقيها
تشبع بها النوق في اليوم الضحى الضاحي=و يرقد بفيت عصاه الصبح راعيها
بنى بها عمر بيتن فيه مصباحي=و المزرعة جاب حراثة تساويها
يقول أنا مستعد أصير فلاحي=أبذر بذوري و أجيب الماء و اسقيها
و يقول ابا ازرع بها خوخ و تفاحي=و الخوخ ينبت بلبنان ضواحيها
راعي المثل قال للمجنون و الصاحي=الكلمة اللي جميع الناس تاعيها
تزيني للعمى يا بنت و ارتاحي=ماشافك الا المراه اللي حضنتيها
و الماء يتبخر ليامن القدر فاحي=و النار ماتحرق الا رجل واطيها
و من مدك اليوم بكره قال لك باحي=الرجل مايكسب الناقة و يهديها
دنين تعرضك ضحاكن و نباحي=و ايامها المقبلة قشرن شواريها
يا حادي العيص لمناحي و دناحي=وراك يم الطريق الوعر حاديها
بكره يقولون راجع جورج سرداحي=عندك ثلاث الوسايل و استعن فيها

المشاركة الأصلية كتبت بواسطة عناد الشيباني (المشاركة 1251090) عدالعزيز اللهم امين وصح السااانك يامبدع

المشاركة الأصلية كتبت بواسطة ضاوي الشيباني (المشاركة 1251095) ياسلام ياسلام صح لسانك ياعبدالعزيز مبدع لله درك والله يجيب المطر..... تحيآآآآآآآآآتي

المشاركة الأصلية كتبت بواسطة فيصل مطر (المشاركة 1251099) شاعرنا القدير ابن حشان صح لسانك قصيده جزله بالحيل ولاغرابه من جزالة القصيده من شاعر كبير مثل ابن حشيان ***** بس الكبرالي انامستغربه كبرالعصى الي يتعصى ويتفيابها الراعي وصح لسانك يابن حشيان تقبل مروري