سبحت في بحر من الشعر غطاس=أغوص في عمقه واجيب الثمينه
أنظم بنات الفكر من قلب واحساس=شعر على وضح النقا ناظمينه
لاباس ياعين الشقا الفين لاباس=وعن لذه المرقاد دايم حزينه
لن ضاق صدري قمت وأبعدت الارماس=وأبعدت عن ضول العرب والمدينه
في عبلة تنبت خزامى وبسباس=وايضا البختري والزهر خابرينه
ومريت أخوى اللي فريد من الناس=ماهو من امي والعرب عارفينه
فهاد يابن حجاب ياطيب الساس=الله يرضا لي على والدينه
ياجعل يفدونك هل الكذب الانجاس=واهل الكلام الشين ومروجينه
أجهر بها بالصوت وابا ارفع الراس=لا بعث أبو وجهين واللي يعينه
أونس على كبدي مثل جز الامواس=من هرجة الهراج ظلم بعينه
ولا همني وش قال ياخوك بقياس=حسافتي ممشاي باول سنينه
والله لو يحلف من شعور وأحساس=تحرم يميني ماتصافح يمينه
هذا ماهو مكسب لا بالله الافلاس=واللي سواته مانشدناه وينه
طراه مدري مير طراه الانجاس=أهل القلوب اللي تناضح ضغينه

المشاركة الأصلية كتبت بواسطة عايض جزاء العصيمي (المشاركة 1254553) صح لسانك مليووووووووووووووووووون يامحمد لاهنت والله يبيض وجهك