نوٍ على الغيثا تهل مزونه=سكاب ما مثله حقوقٍ جاد
قنوف مزنه محتمين التوالي=اللابة اللي نورها وقاد
أحفاد براك الذي كف طلحه=يوم الحرايب حبلها منقاد
أبلى بلا الشجعان يوم الدفينة=مستفزعه مسلط وجوه إسناد
سبعه هل الحردا جلوا هم عودنا=وعادات أهل دعلوج كف الماد
يا مرحبا ترحيب بشيوخ طلحة=أحلى من السكر على الاكباد
فيصل ولد ناشي زبون الطاله=عن المحيا ماقفه ماحاد
معجب ولد نافل عريبٍ مسنده=خاله .. ومن عمه سطر وشداد
في روق حمله ماش حملٍ يماثله=وان جت ثقال الثقل يمه حاد
ويشيلها منكب عريب المجاني=وان زاد جور الحمل عزمه زاد
تجيه روق لمحكماتٍ عظايم=ويحلها النادر ليا الله راد
وعيال عساف السيوف البواتر=ناحي وغازي للصعاب أسياد
القادة اللي عز للتاج والمقص=ولهم على كل الديار أشهاد
الاد ذايب بالزيارة تشرفوا=وتشريفكم عيدٍ من الاعياد
قبيلةٍ للمجد والطيب والكرم =دقت على صدر النجوم أوتاد
لها على عال المشارف منازل=وارداهم اللي للعدا حصاد
واللي دعوكم صفوةٍ من خيارنا=عيال مخلد راعي الامجاد
اللي على رغدان تضفي محاسنه=رايه سديد وفالطلب سدّاد
وزير دولة لكن اللابة أسرفوا =في حب مخلد لين تم وعاد
عاف المناصب لاجلهم ما شقى بها=جذب شبوحه منسب الاجداد
وختامها بلسان غازي نعيدها =وعمانه اللي للصعاب أنداد
يا مرحبا ترحيب وافي نقدمه=في محفلٍ برقه سرا وقاد