ماسبنا يازيد كود الرديين =اللي سوالفهم سوالف رديه
في غفلة اهل الطيب دايم نشيطين=وقدام وجهك مثل زملنآ خصيه
يازيد والله مانسب العزيزين=أمرآ من الله والخطيه خطيه
لكن يدبل كبدنا راعي الشين=مافيه لاشيمه ولامقدريه
وش رايكم وانت هل الراي ذلحين=شقر العصا يثر علاك وعليه

البارحه جاني من الشعر بيتين=مامثلهابين البيوت القويه
من عند ابومطلق زبون المخلين=سعد سعد راع الكفوف النديه
حنا يابومطلق على الخط ماشين=سكة سلفنا سكة جرهديه
وانا تراني صابرن من زمانين=صبري نفد مابقي الا بليه
في ذمتي مالردي كودثنتين=اقطع السااانه وانطله للحديه

المشاركة الأصلية كتبت بواسطة عزارم (المشاركة 1265748) صح لسانك ياطيب وصح لسان زيد

المشاركة الأصلية كتبت بواسطة حصاااااان الهيلا (المشاركة 1265782) حبيت اصير من الغلا ثالث اثنين = وادخل على موضوع زيد وخويه لو كان قفت والصواويغ مقفين = الحق عليهم فوق بنت العبيه يامطلق اسمع شور شوق المغنين = ماوالله ارجي في جزاه العطيه خل الضعيف اللي ينوش المقفين = لو قال شيخ فلان وفلان عيه اللي لسانه للمقفين سكين = قصده يبور الناس والناس حيه

المشاركة الأصلية كتبت بواسطة قـنـاص الـقـوافي (المشاركة 1265797) صح لسانك ياسعد انت وخويك وصح لسان من جاراكم حصان الهيلا لاهنتم جميع تحيتي