وصلني رساله من ضواحي نفي والحيد =رسالة ولد عمن يسل عن ولد عمه
بعد مدة تنقص عن العام ما تزيد =ذكرني عسى الله يرحم أ بوه هو ومه
اذا كان يسلني عن الحال لا جديد =انا من ثلاث سنين ما قمت بمهمه
سيوف الظروف تحدني في صحار البيد =وجرح الزمن في خافقي ما نشف دمه
ولاني مفسر شي فا النحو والتجويد =مادام الخبر مرفوع باللف والظمه
سواليف بعض الربع من دون شرط وقيد =يخص الردي باالمدح والطيب يذمه
يحط الغبي ذكي يحط الذكي بليد =ويصبح على نمه ويمسي على نمه
وأنا وين ابا لقالي رفيقن مدا ه بعيد =ليا من نخيته عصب الرس باالعمه

المشاركة الأصلية كتبت بواسطة عزارم (المشاركة 1269962) الله الله صح لسانه صح لسانه

المشاركة الأصلية كتبت بواسطة ابن سلوم الهيلوم (المشاركة 1272286) صح لسانك يابن ذايب