الهيـــــــــــــلا *** منتدى قبيلة عتيبة
صفحة 1 من 2 1 2
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصة وقصيدة (http://www.otaibah.net/m/forumdisplay.php?f=6)
-   -   أقدع عسى يقدع على راسك الذيب (http://www.otaibah.net/m/showthread.php?t=135703)

محمد الذيابـــي 14-Feb-2012 05:04 PM
أقدع عسى يقدع على راسك الذيب
 






يذكر ان شاعرين من كبار الشعراءكانو مايدانون بعض وحياتهم اذا تقابلو كلها مجامل في مجامل


واحد اسمه حشيش واحد اسمه سعود اسماء وهميه ؟

المهم مره طراء على حشيش يدبل كبد سعود قال في خاطره ابي اسير عليه ابي اغثه المهم حشيش سير على سعود طق الباب فتح له سعود وقاله جعل مهوب مرحبا اقلط .. قلط حشيش وتكى في المجلس سنونه من الاذن الى الاذن و سعود يامادخل وياما طلع يبيه يروح وخوينا تاكي ومبسوط حشيش جهز قصيده يوم دخل عليه سعود قال ..



جـــاك المـسـيـر مـالـقـى مــنــك تـرحـيــب=لاجــبـــت لـــــه قــهـــوه ولا مـــــن قــدوعـــي
يـالــيــتــنــي دورت غـــــيـــــرك مـــعـــازيــــب=جـيـتـك جـويــع ورحـــت مـنــك بـجـوعــي
الـظــاهــر انـــــك مـاتــعــرف الـمـواجــيــب=لاشــك طبـعـك يختـلـف عـــن طـبـوعـي
حنا لاجانا الضيف ننفض له الجيب=ونـجـيـب لـــه مـــن كـــل شــكــل ونــوعــي
عـاداتـنــا والــــرزق مــــن عــالــم الـغــيــب=هـــذا وانـــا ابــخــل واحــــدٍ مــــن ربــوعــي


فاجاء القدوع ووضعه امام وقال:
اقـدع عسـى يقـدع علـى راسـك الذيـب=فـــي خـايــع مـابــه مـــن الـنــاس دوعـــي
مـتـعـطـل فـــــي الــبـــر رجــلـــك تـنـاجـيــك=مـــــن لـيــلــه الـجـمـعــه لـــيـــوم الــربــوعــي
ومـــروك نـــاس غـايــب عـنـهـم الـطـيـب=وخــلــوك وحــــدك فــــي مــكــان يــروعــي
ثــــم جـــــاك ذيـــــب مـاسـنـونــه بـتـركـيــب=ذيــــب ولــــد ذيــــب وشــرســـن قـطــوعــي
وســوا بــك ســوات عـلـى غـيــر تـرتـيـب=يـجــزع لـهــا قــلــب الـشـجــاع الـفـزوعــي

ذعير العالي 14-Feb-2012 06:41 PM
هههههههههههههههههه


هاذء القصيد الي علي فعل و صحت السنتهم

شكراً محمد

قيس العازمي 15-Feb-2012 12:13 AM
قصه جميله بين شعراء دواهي




لتسلم على النقل الرائع يامحمد



تقبل مروري

أخو جوزا 15-Feb-2012 12:19 AM
لاهنت يامحمد

عايض جزاء العصيمي 15-Feb-2012 01:26 AM
مرحوم ياعودٍ كسى راسه الشيب= هنديته تدرف علاه الدموعي


بيض الله وجهك

وصح لساني الشاعرين

محمد الذيابـــي 15-Feb-2012 02:06 AM
..

أشكر الجميع على المرور...

سهيل 1 15-Feb-2012 02:50 AM
وافي يالذيابي ..

يعطيك العافية .

محمد الذيابـــي 15-Feb-2012 02:53 AM
..


مشكوووووور ياسهيل...

عزارم 15-Feb-2012 08:55 AM
هل هم معروفين أم انها قديمة جدا



وشكرا لك ياطيب

محمد الذيابـــي 15-Feb-2012 06:01 PM
اقتباس:
المشاركة الأصلية كتبت بواسطة عزارم (المشاركة 1270366)
هل هم معروفين أم انها قديمة جدا



وشكرا لك ياطيب


قصة قديمه....


الساعة الآن »03:35 PM.
صفحة 1 من 2 1 2
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd