كل ماجيت أزرع الطيب واسوي جميـل
..........الجميلـه تالـي الوقـت قلـوا ناسهـا

الجميله ما بقى من عربهـا الا القليـل
..........مابقـى الا عالـمٍ كاثـرٍ وسواسـهـا

والجميله ماتناسب من النـذل البخيـل
..........لو بغاها ماعرف ذيلهـا مـن راسهـا

راح جيل المعرفه وابتدا جيـل المديـل
..........وابتلشـت بعالـمٍ ماعرفـت اجناسهـا

تختلف الاجيال ويصير جيل بعـد جيـل
..........والاوادم يختلـف فعلهـا واقواسـهـا

لو بغيت تعدل النـاس شـئ مستحيـل
..........فرقهـا بافعالهـا مايجـي بلباسـهـا

لا تحط ضعيّف النفس بالطرقـه زميـل
..........دوّر اللـي لا تكبّـر خطرهـا داسهـا

والضعيّف جنبه مامعـه حيلـه وحيـل
..........رافق اللي قد سبح بالبحـور وقاسهـا

واشهد ان ضعيّف النفس مايصلح عميل
..........والضعافه عند ناسٍ ضعيف احساسهـا

مابغي النفس الضعيفه ولا الرجل الذليل
...........كل ماجينـا نسـوي جميلـه حاسهـا

افتخر فـي عاقـل مايعيـل ولا يميـل
..........خطته لا من رسمهـا يعـرف قياسهـا

يحتمل طول المسافات والخـط الطويـل
...........لا تعكر جـو نفسـك يزيـل عماسهـا

الحكيم اللي على المعرفه رايـه دليـل
..........من رجـال بالمواقـف قـويٍ باسهـا

اشهد ان الظلم والخوف والحال الهزيل
..........حاجة تثر على النفس فـي مجلاسهـا

واشهد ان الصبر زينٍ وله وزن ثقيـل
...........مزبنٍ للنفس لا مـن كثـر هوجاسهـا

ليت بعض الناس حرفٍ نزيله بالمزيـل
...........من حروف تنمسح لا انمسح قرطاسها

ماتصير الحنظله مثل شكـل الزنجبيـل
...........لـو تغيّـر شكلهـا ماتغيّـر ساسهـا

المشاركة الأصلية كتبت بواسطة بدر أبوثنتين (المشاركة 1284617) صح السانك واعتلا شانك قصيدة جزله لاهنت

المشاركة الأصلية كتبت بواسطة ابو فيصل العطاوي (المشاركة 1293715) صح لسانك وبيض الله وجهك يا عزوتي روق يقول الشاعر الكبير الجزل سعد بن جدلان يدك لامدت وفا لا تحرا وش تجيب &&& كان جاتك سالمة حب يدك وخشها والبيت حق بن جدلان يعبر عن الكثير من المواقف وما ينبغي تجاة المواقف وتحديدا موقف الوفاء وفعل الخير تحية تقدير لشخصك الكريم