| محمد الذيابـــي |
08-Mar-2012 09:42 PM |
قصيدتي في الشيخ / شباب الغرمول
هذة القصيدة إهداء الى الشيخ / شباب بن مناحي الغرمول البقمي
ياهاجسي والجود له ربع واحباب=ربع تعشقه عشقة البدو للخيل
استرسل الأبيات من عز واعجاب=أعجاب في فعل الرجال المشاكيل
سمو البقوم ان جا نهار له أسباب=ماعقبه غير الخبر بالتفاصيل
قبيلة بالحرب ماتحسب حساب=وسلاحهم حدب السيوف المصاقيل
ورجالهم عن ماقف الطيب ماغاب=وتاريخهم يلمع مثل نجمة سهيل
من ديرة أم الدوم وأطراف عباب=سقت القدم والشعر سوق وشماليل
سلام تسليم الغلا ماله حساب=من شاعر يقدح بالافكار ويكيل
سلام يارجل الصعيبات شباب=شيخ مجرب من زحول الغراميل
شيخة وراثه جد ماجاته أوهاب=من ورث جدانه خذاها بتوكيل
ان كان للوقفات يالربع عراب=عرابها شباب ياقدوة الجيل
ماحط دون الباب للضيف بواب=يلفونه الشجعان جمع وزرافيل
أحد مسير ويتنومس بالاقراب=في مجلس يفخر به البن والهيل
وأحد مسير له لوازم وطلاب=ويقضى لزومه قبل شرب الفناجيل
في مثل فعلك تتعب دقون وأشناب=وتبطي وهي تسترسل الويل بالويل
يابن مناحي مالها عنك مجناب=كلمة نعم يامتعب الهجن والخيل
الله يبيح العود بالذكر ماغاب=ماغاب من عقب رجال حلاحيل
تنشر له البيضا على كل مرقاب=نسل الحرار وشيخ شمل الغراميل
وختامها سجل تحيات وأعجاب=أعجاب في شباب من دون تقليل
باخوانه اللي للقبيله والاجناب*=بافعالهم وصلو ليا الجدي وسهيل
|
