طاح الربيع
 

font=arial]

طاح الربيع


ما دام طاح الربيع وزانت اخلاقي ** و الـروح ربي بعـافيتة معـافيها

خلوني أمد مع درب المطر ساقي** وامشي وأدور دروب السيل وأعطيها

قدام لأصبح على المسيار مطَاقي ** رجلي عن المشي والمسيار ثانيها

أما لفا الموت وأبعدني عن ارفاقي ** والا الكبر رد رجلي عن مماشيها

سجين غرفة بركن البيت منعاقي ** الناس ما شوف زيلتها ولا أوحيها

واليوم قدام تغرب شمس الاشراقي ** ابا أتبع النفس أدللها واسليها

وأنا على فطرتي ما احب الأسواقي ** ما أحبها لو كثير الناس هاويها

من صغر سني وأنا للبر عشاقِ ** بالذات دارٍ سجين الجاش يغليها

عسى يسرَي عليها كل براقي ** يحيي ثمرها وأسوق الرجل وأجـيها

وآخذ معي دلةٍ صفراء وعلاقي ** دله وبراد أشب لها و اسويها

وأبيح سرٍ مخفى داخل أعماقي ** وأسرار بين الضلوع الحدب مخـفيها


كلمات الشاعر /منصور تراحيب الشيباني( ابو عون )

[/font]

الله الله



صح لساااااااااااااااانك

صح لسانك مليون

على هالقصيده لاهنت

تحياتي

مشعل تذكر ليال عشقها باقي *** وله عليه عهد مكتوب ماطريها
انا اعرفه من رجال ذوقهم راقي *** لاكن طلبتك يبن شماس تنهيها

الاخ مشعل بن شماس شكرا على مرورك ..

الاخ زيادالمزرمي ..
اشكرك على مرورك .. ويشرفني مرور امثالك .

يابن مطر صعب نرضي كل الاذواقي ***الناس لو كان نتعب صعب نرضيها

والوقت لاعمارنا ياصاح سراقي ***وانا حسب فضوتي والوقت امشيها

الاخ فيصل مطر ..
اشكرك على المرور .. تقبل تحياتي

الاخ فالح الراي ..
يشرفني مرورك..تقبل تحياتي