ثلثين من شعري بقلبي ماحدٍ غيري قراه
 

الموت حاصل مير انا حب ابتسم وقت الحياه
اللي بها الفرحه وتهمس للسعاده والسرور

من فضل ربي ماتركت امور ديني والصلاه
واذنوبي الاخرى باذن الله يغفرها الغفور

لاني بمشرك بل ايلاه الله ماغيره إلاه
شاعرمشاعرحين اقول الشعرمن عمق الشعور

ادري النصيحه تنشرى فالفقر قدام الغناه
وانا تراى من فضل ربي دون حد الله غيور

ياللي تقول بليس جنب عنه انا ممشي وراه
ماتبع هل الميسرولا اهل الخمر ولااهل الفجور

لو ان صالح قدم نصحك له يبي يتبع هواه
يمديه راح ايتبع اللي ماشين درب السفور

ياكم وكم نيديت من بعض البشر ماسمع نداه
ادرى على السمعه وميز زين في كل الامور

قدري رفيع ومن عرف قدره يبي يازن خطاه
اكبح جماحي بالهواء ولو اكتب الشعر معذور

بعض النساء لو يعرض الرجال تبحث له خفاه
إتحاول تميل عليه ابعمد اثناء العبور

تهز ردفٍ من حلاها زايدٍ ربي حلاه
وش عاداسوي قول ياناصح مخالف منك شور

اليا عرضت من تبرز الفتنه كذا واللا كذاه
ملزوم اواسي خافقي ببيات ذا طبعي صبور

ماتابع المقفي وهذا سلم من سلم الدهاه
ولنشر قصيدي مع كثير الناس خوف انه يبور

ثلثين من شعري بقلبي ماحدن غيري قراه
حفظان حق استغفر الله ماحجبته من غرور

ياسلام عليك ياشعر

هنا قصيده تثبت أن في الساحه شعراء دهاة

هنا شاعر الدرع العربي

داهيه

قصيده بصياغة شاعر مبدع بحق ورائع

لله درك

وصح لسانك

تحياتي

اهلين ياوصل انا مجرد تلميذ
في بداياته انت استأذ


صح بدنك واعتز بالتبجيل
اعتبرها وسام على صدري
اشكرك حييييل على مرورك

اهلين استاذي فيصل مطر


الاروع مرورك وصح بدنك