من هجوسٍ من سنا برقه ضحك رعاده = وردعه ريح الصبا والنور توه باحي
كن برّاقه تحت مزنه لميع اقلاده = شق برقه كبد الارض ووابله منساحي
استثاره طيب رجلٍ ثابتات أوتاده = قو ناظر طيب خاطر والنوايا أصحاحي
كل ماهقيت هقوة فيه شفت إزياده = البحر مده وجزره متعب السباحي
في زمانٍ للريال اليعرب عباده = باسطٍ كفه بشفه هيلعٍ مزاحي
كلمة اقلط مرحبا حياك وابشرعاده = ماتصنعها ابن مزيد يرضي المداحي
الظفر عنده مباشر مايبث إيعاده = فطرةٍ واحياها فطره نديّ الراحي
شرب فنجال المراجل يوم طاب اقناده = واعتلى فاشدادها ثم اتكى مرتاحي
مع خويه ماتقول الاطبيب اعياده = والله ان في عيونه لن قعد وإن راحي
لوابن حثلين شافه ساق له جلاده = لين تبرك عند بابه قبل يغف الصاحي
واقمحوا ياهل البشوت اللي بدون ارياد = عاينوا نهار بن مرزوق لبس اوشاحي
والحيا والطيبين اذكارهم وراده = وابن مزيد طيب ذكره للعرب فواحي
والكلام الصدق قلته واشهد النقاده = شاعر شعري خويي فاللقا وسلاحي
والله اني مانتظر تصريح لأيمن جاده = ولاعليه من غليص لا اولده رماحي
والله اني لي خويٍ فالشعر من ساده = لابغيته حضر اجنوده ولاحي لاحي
لاطمٍ شعري عيون العالم الحساده = ومفرحٍ لي عالمٍ لاجاء اللزوم اجناحي

المشاركة الأصلية كتبت بواسطة عيضه الثبيتي (المشاركة 1289660) ونعم والله وانت ابيض وجه قصيده جزله والممدوح يستاهل تقديري

المشاركة الأصلية كتبت بواسطة طلال بن هذال بن نشار (المشاركة 1289707) لوابن حثلين شافه ساق لـه جـلاده = لين تبرك عند بابه قبل يغف الصاحي واقمحوا ياهل البشوت اللي بدون ارياد ه = عاينوا نهار بن مرزوق لبس اوشاحي الله عليك يافهد صح لسانك مليون ولايسدون ويستاهل نهار ذكر الحيا والطيبين يبين تقبل مروري وتقديري