الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   محاورة على لحن العرضة بين فهد رحيم النفيعي وشاكر السفياني (http://www.otaibah.net/m/showthread.php?t=137937)

الشاعر فهد رحيم النفيعي 08-May-2012 01:54 AM
محاورة على لحن العرضة بين فهد رحيم النفيعي وشاكر السفياني
 
هذه محاورة على لحن العرضة سبق وان جرت بين الشاعرين

الشاعر / فهد رحيم النفيعي والشاعر / شاكر السفياني

ارجو ان تنال رضا الجميع





بدع فهد رحيم النفيعي

هلا مرحبا واهلين يا الشيخ شاكر = على السامر تبدع وعرضه ومعروف
ولكن باقي وقتنا ماله حدود= تبان العلوم الأوله والأخيرة





رد شاكر السفياني

يدوم البقا وانا مصلي وشاكر = وناهي عن المنكر وناصح بمعروف
ومادام سيف الحق شابي له احدود = زمان العجايب كيف شره وخيره



بدع فهد رحيم النفيعي

ورثنا المعارف صدق كابر وكابر = تشوفون فعل الناس بالعين ونشوف
نهار انها نار وشعله وبارود = علوم العرب تنقل ليا كل ديرة



رد شاكر السفياني

اذا ضاقت الأيام كابر وكابر = رجالا تدوس الخوف واعروقن انشوف
وانا مع هل الوقفات باجي وبارود = وسيف المعارك كلما كل ديره



بدع فهد رحيم النفيعي

انا من حياتي ما طلب الناس ماطر = ولوكان ما باقي في الجيب مصروف
ولا اطرب على لحن المسيقة ولا العود = انا اطرب على لحن البيوت العسيرة



رد شاكر السفياني

حليل الذي يطلب من الناس ماطر = وهو بيد الي له دعا الناس مصروف
فلا الشاب يزعجني كلامه ولا العود = وليت العسيري مايعدي عسيره



بدع فهد رحيم النفيعي

ليا دق هاتف لزم اقرب واخابر = ولو ماني بهذا العمل صرت مكلوف
خسارة علينا جهدنا راح ونقود = وحنا لنا ما قف وربع وعشيرة



رد شاكر السفياني

انا عن علوم الناس داري وخابر = وفي الناس متكلف وكالف ومكلوف
ولاهمكم ضحكا من الناس ونقود = عتيبه قبيله ماتعدى عشيره



بدع فهد رحيم النفيعي

ولاكم نشوف بذا الزمن من مناكر =وبعض العرب ما هو بعاقل وملقوف
عتيبة لها تاريخ والسيف مجرود = قبيلة كبيرة والمواقف كبيرة



رد شاكر السفياني

اذا كان ذودك في الصحاري مناكر = امل يقعد آمالك معانا وامل قوف
وقدامك الدرب اللي بالخوف مجرود = وخل المزارع ينتظر ملك بيره

ممدوح الثبيتي 08-May-2012 01:57 AM
الحمدلله والشكر نزل موضوعك فالمكان المخصص

عثمان الثبيتي 08-May-2012 02:12 AM
صحت السنكم
شعراء معروفين وليس غريب عليهم

تقديم طاروق مميز مشكور على النقل

منبر اعلامي 08-May-2012 02:14 AM
شعار ماعليكم كلام بيض الله وجيهكم

الشاعر فهد رحيم النفيعي 13-May-2012 11:32 PM
هلا وغلا بالجميع يسلموووووووووووو

متعب القديري 14-May-2012 07:07 PM
ياسلام ياسلام صح لسانك ولسان عميلك >>>

سفير الزهارين 14-May-2012 10:23 PM
يا سلام يا سلام كلام طيب والشقر للمتذوقين صراحة


الساعة الآن »05:13 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd