يالله إني طلبتك يا الرحيم اللطيف=لا تخيب رجا من لاذ بك مرتجي
تجمع لشملنا من بُعد صاير مخيف=يامجيب الدعا عبدك والك ملتجي
عيني ترف مشتاقه لشوف الوليف=ليتني لا طلبته في ثواني يجي
لأجل ترتاح عيني من عذاب الرفيف=تنطفي نار شوقٍ(ن)بالحشا تسرجي
كل ليله يسج الفكر يهرف هريف=خلف حلمٍ(ن)تحير روحته والمجي
كل ما قلت هانت حاف بالحلم حيف=كن حلمي تحت ضرس الأسد يعلجي
الهواجس تجيني والبلا كيف كيف؟=كيف أحقق طموح الروح لا ينجي
كيف أقرب لجدة من ربوع القطيف=المسافة بعيده والطريق أعوجي
الفوارق كبيرة بين صيف وخريف=الثرا والثريا بُعدها مزعجي
الله اللي مبعد سِيف عن جال سِيف=الشدايد بعضها صعب ما يفرجي
قدرة الله تحير كل عبدٍ(ن)ضعيف=كل شيءٍ(ن)وضع له سنه ومنهجي
شيء منها يشاف وشيء مايوم شيف=والله اللي يعلم الزين والمحرجي
حمل الأيام يثقل والمواجع رديف=والمشاعر من الأوهام ما تهتجي
يالله إني طلبتك يا الرحيم اللطيف=لا تخيب رجا من لاذ بك مرتجي

المشاركة الأصلية كتبت بواسطة سعد بن مطلق المقاطي (المشاركة 1297794) صــــــــــــح لــســــــــــــاانك

المشاركة الأصلية كتبت بواسطة راشد النفيعي (المشاركة 1297798) صح لسانك وبيض الله وجهك

المشاركة الأصلية كتبت بواسطة عثمان الثبيتي (المشاركة 1297803) شيء منها يشاف وشيء مايوم شيف 0000000000000000000000والله الــلــي يـعـلــم الــزيـــن والـمـحـرجــي حـمــل الأيـــام يـثـقـل والـمـواجـع رديــــف 0000000000000000000000والمشـاعـر مـــن الأوهـــام مـــا تهـتـجـي لله درك ايها المبدع قصيدة شامخه كشموخك نفتكر ان المواجع لنا حنا يالبسطاء واثاري حتى انتم ياكبار المنزله الاجتماعيه والمهنيه لكم نصيب من ذلك صح السانك ياعلم