ياكثر ماقمت وقعدت وتحريت=وتصعب على رد السوال الاجابه
واطلب من الله كل ماصبحت وامسيت= ان الفرج يقرب وينفج بابه
ماجت لي الدنيا على ماتمنيت=وصبري نفذ والحال قفى شبابه
حضي قعد ماهوب حياً ولاميت=والو ينجلب لسوق ماحد شقابه
احيان يومي بي على كف عفريت=واحيان اجره جر قوس الربابه
وقالو لي انك للمصاعب تخطيت=واثراني اول خطوتاً وسط غابه
واستغفر الله كان في قولي اخطيت=ويا الله عسى مهي برحلة كآبه

المشاركة الأصلية كتبت بواسطة فيصل مطر (المشاركة 1304093) شاعرنا المبجل/ابن حشيان صح لسانك طال عمرك والخيره في ماختارالله والي مثلك مانبيه يتخيرنبيه يعطينا بس من الي عنده ومايحتاج كل ما عنده خيار ولايجيب الاخيار وراعيها يابوخالد لاعدمتك تحياتي

المشاركة الأصلية كتبت بواسطة عزارم (المشاركة 1304094) من حظه اللي باركن كنه كميت=ماغير يلويبه ملاوي الذيابه يقول لو تشيل وان كان حطيت=كانك كذا بدري عليك تهنابه صح لسانك ياطيب

المشاركة الأصلية كتبت بواسطة محمد موسى المقاطي (المشاركة 1304336) صح السانك يابن حشيان قصيدة معبره

المشاركة الأصلية كتبت بواسطة سعد المسـعودي (المشاركة 1304616) أبوخالد .. أبيض وجه .. وسفير للشعر .. ومأمون للأدب ،، فماأهدته لنا قريحتك .. تأكد أنه مكان الإعجاب ويفوق للتصفيق ،، صح لسانك .. ودمت بهذا التميز ... ياسفير الشعر ،،، أحترامي