يا لله بنصرٍ على الطاغي عميل الطغاة= اللي ذبح شعبة وكل الدول شايفة
سالت دما الشعب الأعزل بين حمص وحماة=يا دولة محايدة !! يا دولةٍ خايفة
بانت حقايق وراع الخزي يلقى خزاه=صارت حروباً على الإسلام من طايفة
تحية للصامدين مقاومين الغزاة=أحرار وإبطال مثل جبالها النايفة
ماتنحني بالسهولة للغزاة الجباه=داموا على الدين وصقورٍ لهم حايفة
يا (بان كي مون) لا تفرض علينا وصاه=بانت علومك وبانت دعوتك زايفة
انته و(كوفي عنان) ملهيين الرعاة=وإيران والروس وأهل الصين متحالفة
ومصالح الغرب ماعنهم وعنها غناه=يا عارفين السياسة هذي السالفة
لكن للظالم نهاية وكسرة عصاه=حتى لو إن الدول بالرأي متخالفة
الله يمهل و لا يهمل عميل الطغاة=اللي ذبح شعبة وكل الدول شايفة