إرحل
 

السلام عليكم ،،


لوّح بـ كف الموادع واطلب الخيره
واقرب شويّه .. بودعك وتودعني


وارحل من القلب والتفكير والديره
كرامتي عن هوان النفس تمنعني


وسنيني ان عشتها في موقف الحيره
ما ظنتي معك بعد اليوم تجمعني


شريتك بدم قلبي ماهو بـ ليره
ياللي بقرشين مدري قرش بايعني


ودرب العناء ماشكت رجلي مشاويره
يالين زيف المشاعر معك ضيعني


الشوق والود والتقدير والغيره
ماعاد عندي عليها مايشجعّني


غصن الوصال ، الهبايب طيّرت طيره
من بعد غنّا وعذب الصوت سمعني


حلّق واخذ فالسماء لفه وتدويره
ماهو تبيعك وانا ماهو بـ تابعني


أرجوك : كف الدموع وغيّر السيره
لـ ضيعة ايام عمري لاترجعني


العام : ماباقي ألاّ تحب لك غيره
واليوم : اشوفك على ما اقول طايعني


الطيّب ان زاد طيبه قل تقديره
يصير من بعد طيبه بالخطاء معني


خلاص ، عندي ماباقي حبة شعيره
من حبكم . مير غادر عنّي ودعني


نزعة حبك . وقلبي تم تحريره
وان عدت نزعه .. ياجعل الموت ينزعني !!


وسلامتكم ،،

معادلي في هواكم شف و مرادي صح للللللللللللللللللساااااااااااااااااانك

متأثر بالربيع العربي



هاااا صح قلبك يابو منير



تقاااااااديري

الطيّب ان زاد طيبه قل تقديره
يصير من بعد طيبه بالخطاء معني

صح السانك ياجمال

قصيدة حلوه جات على الجرح

[size=3]صح لسانك ,

ولا هنت :)[/size]

صح لسانك مدد بلا عدد يابو منير