مني سلام ولاعلى الارض مرتاح=وكلن يشيل اهمـوم قلبـه ابدنيـاه
وانا صبرت ولكن السد لـك بـاح=ياللي قصيده يبهج الروح طريـاه
والصاحب اللي موجعن قلب سداح=عندي على ماقيـل مثلـه وحليـاه
جاب الخساير قبل احسب للارباح=وجرحه تغدابـي قبـل لااتعشـاه
وليت الغصن يومن ورق الغلا ناح=ماجابته ريح الهبايب من اقصـاه
احدن يعيش ابونته مابعـد صـاح=واحدن يصيح وهمه ابعيد ماجـاه
واحدن يخيط اهمومه ابدمع الافراح=واحدن اهمومه كل صبحـن تلقـاه
وان كان ريح العود من مكسره فاح=فالعود الاصلي منبته طيب مجنـاه