سلام الله سلام الشاعر اللي جا على الميعاد=من ارض الطائف المأنوس جا لارض النعيريه
دعاني بو خلف.قلت الله الله مابها مقعاد=و رفعت الهاتف المحمول لخطوط السعوديه
أنا مالي عذر من مثلكم يامعرًب الأجداد=ألبي دعوة رجال الوفا واهل الشهاميه
فرحنا من فرحكم يانبا بمناسبة فهاد=عسى الفرحه بعدها أفراح بأموالٍ وذريه
صداقتنا ثلاث عقود مرًت والسنين جداد=على مر الزمان تزيد والله يصلح النيه
ترا ذالليل عيداً بالسنه هو ثالث الأعياد=أقابل ناسٍ الهم بالصدر حب او محنيه
صداقه مع رجالاً ماجحدنا ملحهم والزاد=صناديد آل عاصم معرفتهم مفخره ليًه
قبيله كل منهم شيخ له قول وفعل وامجاد=لهم تاريخ يذكر بالشجاعه والفروسيه
إسمهم يعرف وراياتهم ترفع على الأشهاد=ونا.من عزوةٍ وقفاتها دايم بطوليه
رجال ثبيت.ساس البيت لعتيبه جبال أوتاد=من العارص الى الحرًه الى حد الجنوبيه

المشاركة الأصلية كتبت بواسطة عثمان الثبيتي (المشاركة 1323325) رجال ثبيت.ساس البيت لعتيبه جبال أوتاد --------------------------------من العارص الى الحرًه الى حد الجنوبيه صدقدت ياشاعر ثبيت لله درك دايم وانت مبدع في اي مجال تطرقه دمت كما تحب ايها العملاق

المشاركة الأصلية كتبت بواسطة فيصل مطر (المشاركة 1323446) ونعم بك ونعم الف نعم بربعنا ثبيت لاشك وعلى قول المثل( لياء غنم غنيم اناغانم)ولاشك واما الساس مدري وش قصد الشاعر بالضبظ بساس البيت ولاكن الاصل ساسه بني سعد لقبيلة عتيبه قاطبتا,,الروقي والبرقاوي ولاعتقد ان هاذا قصده ولاكني خشيت سوفهم المعنى وتصويبه لذالك وصح لسانك مليون شاعرنا وصل الشهيب تقبل مــــروري