بندر المقاطي ،، سعيد العبد
 

بسم الله الرحمن الرحيم

السلام عليكم و رحمة الله و بركاته

ملخص طاروق بيني و بين الشاعر / سعيد العبد في منتديات القوافل العربيه ..

يوم الثلاثاء السابق 1433/12/14 هَـ ،،


بندر غزاي المقاطي :
ليش تسرق لقمة البنت اليتيمه /:/ و لا نشدوك الناس قلت : بَ وسط فمها ..
مَ رضى رب البريه بَ الظليمه /:/ خافوا الله ،، من سرقها ،، من شتمها ..


سعيد مرزوق العبد :
أنت وش دراك عنها يَ الصتيمه /:/ الغنم هاذي لنا مَ هي غنمها ..
دام نفسك يمها صارت رحيمه /:/ كمل الرحمه و تاجر في سهمها ..


بندر غزاي المقاطي :
بينه متبينه ،، في كل خيمه /:/ و الصكوك موثقه بَ اللي ختمها ..
يَ سعيد العبد ذي دقه قديمه /:/ ناصحً لك مير مَ أنته مفتهمها ..


سعيد مرزوق العبد :
الصكوك مزوره مَ هي سليمه /:/ و الخيام البيض مَ أصدق علمها ..
برق تحت سرك و صلح بريمه /:/ بعدين سم اللي يروعك نسمها ..


بندر غزاي المقاطي :
الهزيمه مالكم غير الهزيمه /:/ و الرجال تموت من كثرة ندمها ..
العظيمه مَ تهاب إلا العظيمه /:/ علم اللي مَ أحتمت حتى بهمها ..


سعيد مرزوق العبد :
باكر نكحلتس يَ العين الكريمه /:/ لا رسمنا صورةً مَ أحدً رسمها ..
هب يَ اللي مَ يذب مع الخريمه /:/ ديرتك بَ السيف الأملح من حكمها ..


بندر غزاي المقاطي :
تحترون السيل لكن جات ديمه /:/ مثل حلم إبليس يوم إنه حلمها ..
كل أبونا فَ الدروب المستقيمه /:/ البلاء فَ الناقه و من هو وسمها ..


سعيد مرزوق العبد :
تونا فَ الوسم و الغيمه مقيمه /:/ لا تباعد برقها يفجر نسمها ..
كل ليله يرتكب فَ أمه جريمه /:/ خابر الكفار مَ تقرب صنمها ..

تسلم يابندر

بس البضاعه نزلتها في سوق ماهو سوقها