ياناس جوزو عن هروج النمامه !!
 

السلام عليكم
مساكم عسل
قصيدة عن موضوع كثر بين الناس وهي النمامه الله يهدي من يمشي في طريقها نالت اعجابي واتمنى ان تنال اعجابكم

ياناس جوزو من هروج النمامه ==
== انتم وراكم بالاوادم تنمون

هاذي تراها هي مواري الرخامه ==
== لاصرتو في عرض الاوادم تهرجون

ماضن احدن منكم يحصل سلامه ==
== هاذا مدحتوبه وهاذا تسبون

كلن لسانه منطلق من بلامه ==
== باعراض خلق الله دايم تقولون

ياويلكم لاجا نهار القيامه ==
==ماتقولونه عند ربي تلاقون

عليكم من ربي وخلقه ملامه ==
==اهبو هبيتو ورا ماتستريحون

النقنقه تراها الراعيات الثامه ==
==طبعن لهن وانتم كذالك تعرفون

فزتوبها يالابسين العمامه ==
==واصبحتو بالنقنقه عليهن تفوزون

علامتن ياشينها من علامه ==
== ياليتكم عن عيبكم بس تدرون

المجتمع منك تغير نضامه ==
===وانتم سبب ماحصل فيه بالعون

بسبابكم صار بين القرايب خصامه ==
== عدم الرضا والسب والكره مسنون

بين القرايب صار نوع انقسامه ==
==بين الاخوان الحقد والكره مدفون

يالله دخيلك من حياة الندامه ==
== والوضع صار اليوم من دون في دون

قبل انتهي والقيل ياصل ختامه ==
== ادعو عساكم لنصيحه تطيعون

ابن فويز دقو في كلامه ==
== طيعو كلامه ياعرب كان توحون


للشاعر فالح الشيباني العتيبي

صح لسااانه ولاكن ماكن الوزن فهالشطرين لك عليه(بسبابكم صار بين القرايب خصامه +==بين الاخوان الحقد والكره مدفون)؟؟والله يكفينا وياكم وجميع المسلمين شر النفااااق وسلمت على النقل يالعملاق