يومنها بحصان وريمحن وشلفاه =حنا هل الطولات ولا حدن ولاانا
وحنا هل الهيبه وحنا اهل الجاه= وحنا شموخ المجد وله احتوانا
وحنا السيف لي على حد مذكاه=وحنا الجبال الي يذري ذرانا
وحنا الحرار لي على الموت مهداه= اروحنا ترخص باساعة لقانا
حنا عتيبه وياخذ القاق مجراه = امجادنا تكبر وتصغر عدانا
حنا هل العطفه والمنع وياه = نمنع ونحمي بالسيف ادخلانا
ترتع بنا وضحا على كل مشهاه = وتقطف زماليق القفر في احمانا
لا لاح رعيها على الخد محلاه = وسمن وله هيبه وكلا يخشانا
واليوم في حكم الشيوخ المسماه = اخوان نوره اشيوخنا ومرانا
في حكم سلمان النداوي وبحماه =له الولا ومنا الوفاء ومن وفانا
حنا على نهجه وماشين برضاه = ونضرب على الكايد لامنه نوانا
الفارس لي تمسك السيف يمناه = في سطوته ماضي ويرعب عدانا
ياخذ من القران حكمه ومبداه =ومن سنة لي من هداه اهتدانا
حامي حما الاسلام يارب تحماه =وتيده بالنصر وهذا دعنا
وحنا هل الهيبه وحنا هل الجاه = من دون ما نهظم حقوق اقبلانا