انا عتيبي وأفهم الزين والشين=وأشوم للجزله وأخل الهزايل
ولاينكر المعروف غير الرديين=عيال الرخوم الي تضيع القوايل
بداخليه والعمر وصل ستين=والفصل من دونه لليالً قلايل
وقمت أتذكر ملحقين المخلين=قومً ترد الخيل والدم سايل
وقبيلتي وافين وأمطير وافين=وقمت أتخير في عيال الحمايل
وقالو لي أنحر واحدً يوفي الدين=ابن مزيد حسين واف الخصايل
وجينا عقب الظهر بين الصلاتين=قدام بيت ً مايباله دلاايل
ماهو منخشن ورا داعج العين=يطلع مثل مايطلع ً الأصايل
ثم قلت له ياحسين ياحسين ياحسين=ياحسين لا يقطع معاش العوايل
ثم قال انا ومشرعين القوانين=نفزعلكم لعيون راع الجدايل
يالي تبا الفزعات رح للدياحين=تلقا حسين الي يحب الجمايل
وفهد وبووسمي علي متواصين=بالطيب يبلون الكبود الغلاايل
مطير حمران النواظر مرسين=مثل الجبال الي ورا قصر حايل
وأنتم هل الفزعه من أول وهالحين=يوم ً بعض الناس مامن صمايل
وهذي فعول جدودكم ياأحمر العين=لاتحسبن المدح فيكم خزايل

المشاركة الأصلية كتبت بواسطة بدر العبدلي ولاينكر المعروف غير الرديين=عيال الرخوم الي تضيع القوايل

ومـن يجعــل المعـروف في غير أهـلهِ= يكــن حمــده ذمّــاً علــــيه وينـــــــــدمُ