رثاء (( في سلطان بن جهجاه بن حميد )) (( رحمه الله ))
 

السلام عليكم ورحمة الله وبركاته


اخواني هذه قصيده للشاعر / معيض العتيبي وهي رثائيه قالها


في الامير / سلطان بن جهجاه بن حميد (( رحمه الله )) نقلتها لكم


ومدري عاد هي موجوده عندكم ولا لا :


ياموت مادورت لك غيـر سلطـان ماشفت لك يامـوت شخـص بدالـه
ماهو اعتراض لحكمة الرب سبحان سبحانـه المعبـود جـل جـلالـه
لاوالله الا ضيقـة البـال واحــزان في خاطر مهمـوم ماهـوب دالـه
جانا الخبر في شهر رحمة وغفـران لعل رحمـة والـي العـرش فالـه
الحزن عم النـاس حظـر وبـدوان شرق وجنوب وغرب نجد وشمالـه
تبكـي فراقـه نجـد دار وسـكـان وطويق الادنـى والحجـاز وجبالـه
وعتيبـه الهيـلا شبـاب وشيبـان ترثي وريـث المعرفـه والشكالـه
وسلطان ابو فيصل سلايل كحيـلان عون لمـن وقتـه وطاه..وشكالـه
موسوعة تمشي على هيئة أنسـان من كل علم وعلم لـه فـي مجالـه
في حق ربه مكمل خمـس الاركـان وزود عليهـا ريـف للـي عنالـه
كل شهد له جود وايمـان واحسـان تنفق يمينه مـادرت عـن شمالـه
في العرف له صيت ومكانه وله شان وعلم النسب والشعر له فيـه طالـه
له كلمة يرجـح بهـا كـل ميـزان كـنـه ليامـنـه تكـلـم لحـالـه
عساه عند الرب في نعيـم وجنـان ويجبر عزانـا والبقـا فـي عيالـه

تسلم اخوي فيصل المسعودي على النقل وصح لسان الشاعر معيض وخسارتنا في أمير القبيلة خساره كبيرة

رحمه الله واسكنه فسيح جناته .. أنه السميع المجيب

بيض الله وجهك يافيصل المسعودي ما قصرت
تحياتي لك

هلابك عجاج الليل


صح بدنك يالغالي والله يسكن الامير سلطان بن جميد الجنه


تحياتي لك ولمرور ك الكريم ياغالي

هلابك ابو قلب عطيب


صح بدنك يالغالي وتسلم على مرور ك الكريم ياغالي


هو فالمرقاب انا القصيده اخذتها من المرقاب


تحياتي لك ياغاااااااااااالي

ووجهك ابيض ياغالي


تسلم على مرورك الكريم يا ابن ثعلي


تحياتي

اللهم امين


صح بدنك يالغالي


تسلم على المرور الكريم


تحياتي

قصيدة رثائية مؤثرة وجزلة وقوية

صح لسان شاعرها ولسانك يافيصل

ورحم الله الامير

دمت بود