العواذل
 

أنا أشوف العواذل ياحبيبي يرفعون الــصـــــوت && بدو بيني وبينك يزرعـــون الكره والفرقــــــا


ياليتك تنتبه منــهم قبـل ينقال:فــات الــفــــــــوت && وتبـــقى فالهوى دايم سمانا صافيه زرقــــــــا


أنا متولــعٍ فيك..وغرامي لك عليــه ثــبــــــــوت && وتشهد عيني اللي دايمٍ بدموعــــها غرقــــــــا


والى من غبت عن عيني تشوّتني هجوسي شوت && وأقوم أرقا الرجم وأنزل... واعوّد ثانيه وأرقــــــا


وأنا مهوب حبي حب جاهل..لا..ولا سربـــوت && على وضح النقا حب الشرف غنّت به الورقـــا


بجيـك أن كـان تبغاني ولايـمنعني الاّ المـــــوت&& بجي يمّك ولو دونك وقف لي(روق) مع (برقـــا)


ولو عنّي خـذوك وسافروا بـك من ورى بيـروت && بجي لك لو مكانك غرب والاّ يالغضي شرقــا


ولا أرجع غير أنا ويّاك..أو أنّي برجع بتابــوت &&حياتي دونك..وموتي..سوى مابينهن فرقـــا

...
رائع يالبقمي في هذه الابيات
صح لسانك ..
ويامرحبا فيك اجمل الترحيب ...
في انتظار مشاركات اخرى ..... ودمت..

صح لسانك

وبيض الله وجهك

قصيده تستاهل الاعجاب والشكر