يالله ياللي تسوق المزن ياللوالي =
يالواحد اللي يبدل كل الاحوالي=
انك من الغرب تنشي مزن وخيالي =
مع أول الوسم مزنٍ كنه جبالي =
البرق يبرق وخير المزن همّالي =
جا يدحم سيلها من الجال للجالي=
والعشب الأخضر بدا من كل الأشكالي =
والطير لامن سمعته غرّد يلالي =
وشوف الحيا والأباعر يشرح البالي =
وخوة نشاماً ضرو قطع الخلا الخالي =
جهمة عقب مانصلي الصبح طوالي =
العزبة محملة والجيب شغالي =
ثم انتهضنا وأخذنا الخط طوالي=
ثم انهزع بر مثل مسابق الرالي=
ونجي لنا عبلةٍ خضرٍ تحلوالي=
وننزل بها في محلٍ مرتفع عالي =
والنار يشعم حطبها معرّب الخالي =
ويسوي الكيف مرٍ كايفٍ حالي =
لامن تقهويت منها بس فنجالي =
وسولفٍ وافيات قصار وطوالي=
وأن مرنا بالنهار طيورٍ أجوالي =
تيسٍ معلق وصيدة طيب الفالي =
هذي ترى دعوتي يالله ياللوالي =