قالت من انت قلت مالك ومالي ### قالت عتيبي قلت بالحيل تدرين

قالت علامه فيك يابعد حالي ### ترى عتيبه كل أبوهم شديدين

قلت اسمعي البال ماهوب بالي ### مير اخلصي يابنت تكفين تكفين

قالت أنا القدس يابن الرجالي ### يامعرب الخلان ياهيه يالزين

وين أنت رايح مفتخر بالحلالي ### وبالعزوة اللي في عددهم ملايين

وأنا القتيله بينكم يا خوالي ### وأنا السليبه وكل أبوكم سلاطين

وحتى العراق اليوم في مثل حالي ### جاها بلاها وذبّـحوا فالمساكين

وخوفي يجيكم ريح شرقي شمالي ### يقلب كيان الدار وأيّـا البساتين

وأسمع بعدها صوت وآ هملالي ### وآ ميمتي وآ عمتي وآ بزارين

مير اتقوا ربٍ إذا أمهل إمهالي ### مايهمل الجاهل خوي الشياطين

ربٍ عظيم الملك هو ذا الجلالي ### اللي عطاكم وأحرم الهند والصين

أمن وأمان ونعمت الدين غالي ### وحكام رحمه عادلين الموازين

ترى الحمول اليوم والله ثقالي ### ماهي تحمّـل زود وأنتم فهيمين

كبوا المزاعم بينكم والتعالي ### ولدّوا النظر يم القهر في فلسطين

وســــــــــــــــــــلامــــــــــتـــــــكــــــ م