مسّيتوا بالخير

النواقص ..ماتهم المستزيدي=والمصيبه ..كاثره بين البريّه
والمكاسب ماتغث ألاّ النديدي=والشجاعه عرق نابع من حميّه
والحديده كم تثنت للحديدي=والقوافي كم هي صارت لي مطيّه
اسهرتني تخلج بعرق الوريدي=لين جابت من صميمي احويديّه
وانتشت بي هامة المجد التليدي=بين حد السيف واليمنى الضريّه
فمت ارددها على نفسي واعيدي=بين هذي..وبين هذي..وبين ذيّه
وصرت في جوٍ عن الرقه بعيدي=فوق هامات النجوم المستضيّه
ثم ذكرت الحال والوقت الزهيدي=وجيت هاوي من مطاريف الثريّه
كل ماحطيت رجلي في جديدي=حولت مابين داب وبين حيّه
ماعرفتك.. يالرّوامي غير ((ميدي))=وماعرفتك..يالقفايا كود فيّه
وانت يالي تحسب القصه..نشيدي=ماعليّه..من كسيرك..ماعليّه
لاتحسب اني على الطرقه وحيدي=فيني شيٍ لانبشته صار ميّه
انا بحرٍ لو شربته اب يزيدي=وانت قشعٍ قطعته المهميّه
فارقي عنك كبيرٍ يالخريدي=دام وجهك ماتكرّمه اللحيّه
انا حيٍ واطرح الشارات بيدي=وانت حيٍ لوتموت ارحم شويّه

وسلااااامتكم

...
..
.
مشعل بن حويد الدعجاني

المشاركة الأصلية كتبت بواسطة مرزوق العتيبي ... . انت رائع يامشعل .. بكل ماتعنيه الكلمه .. صح بوحك ... واشكرك كل الشكر... واسجل اعجابي بهذا النزف الراقي.. اخوك ...

المشاركة الأصلية كتبت بواسطة ابـن نـعـيـس صح لسانك قصيده رائعه تحياااااااااااااااتي

المشاركة الأصلية كتبت بواسطة فيصل المسعودي صح لسانك يالدعجاني على هالرائعه صح لسانك تحياتي