الغرب بث الحقد وكشّر بالانياب= يالله عساك تعين في كسر نابه
حنا نوينا نقوم فتيه وشياب=ندوس خشم ابليس ومنهو لجابه
مابعد سيد الخلق ضحك ٍ وآداب=مابعدها ياناس حلم وذرابه
أجل رسول الله يرسم وينعاب= ومحدٍ من الدنمرك يلقى حسابه
كوفي عنان اجلد ولا هش بخطاب=أنا اشهد الملعون راس العصابه
هذا الرسول اللي نحطه بالاهداب=نفداه بالارواح لوشي اصابه
لا ماصدقتوا ياحليقين الاشناب=دنّستوا التاريخ لا واسفابه
هذا النبي اللي يلقب بالالقاب= صادق أمين وكل خيرٍ نشابه
ماضره التشويه من زمرة كلاب= لا مايضر النجم نبح الكلابه
لايابقر دنمرك قدامك ذياب = تارد حياض الموت لا ماتهابه
منتوجكم هالحين يرمى بالاسياب=نرفع شعار الحظر واضح كتابه
بنصوب الدنمرك بسهوم الاضراب=والا سلاح الحرب يامرحبابه
اللي يفك الفم نملاه بتراب= واللي يمد اليد بنطق بابه
الكل منا يتبع الحق طلاب=نبي نعيد امجاد عصر الصحابه

بنصوب الدنمرك بسهوم الاضراب=والا سلاح الحـرب يامرحبابـه
اللي يفك الفـم نمـلاه بتـراب=واللي يمـد اليـد بنطـق بابـه
الكل منـا يتبـع الحـق طـلاب=نبي نعيد امجاد عصر الصحابـه