ياكثرهم يوم افزعوا للامارات

ياكثرهم يوم افزعوا للامارات = كل يشمر للدراهم ذراعه
بر..وبحرفوق ازدحام المطارات = كل حزم عفشه وجوّد متاعه
لوشفتهم بالارصفه والممرات = استغفرالله كننا في مجاعه
ما اسب من يسعى لكسب الريالات = بس انت شفهم في صلاة الجماعه
ياجنّة الفردوس عصر الحضارات = ياقلّ من يطلبك وقت الضياعه
شبابنا يفخر بفعل السخافات = والبنت ضاعت في قناة المياعه
والغرب يقطع باختراعه مسافات = وانتج وطور في سلاحه ابداعه
ذقنا القهر والذل ونرد بسكات = وحنا تجر كبودنا بالبشاعه
بدموعنا نضمد عميق الجراحات = ونسأل وش اللي صابنا ياجماعه
حنا السبب قبل اتهام الولايات = وحنا سبب شح المطر وانقطاعه
وشلون نطمع با نكشاف الملمات = وشلون نحلم بالنصر وارتفاعه
وحنا ثلاث ارباعنا يعبد اموات = والربع الاخر فالخنا والخلاعه
الاهل التوحيد واهل العبادات = دمع السحر واهل الذكر كل ساعه
ماعاد نقدر نستسيغ السياسات = لابد من نصر يثبت شراعه
ولابد من نشر العقيده وبالذّات = قبل السلاح وقوته واندفاعه