غابـت ثمـان سنيـن حــل وتـرحـال = غـابــت ثـمــان كـلـهـا مدلـهـمـه
غـابــت سـنـيـن وشـهــور ولـيــال =مافـيـه قـطـر غـيـر وجــه يـمــه
وعقب الثمان الي تعبها برى الحال =جـاب الزمـان الكارثـة والمطمـه
جانـي ولدهـا مبتسـم بيـن الاطفـال =ومن بسمته ذكرت أنا بسمة أمه
ركضت له ودمعي علي الخد همـال = من كثرشوقي قمت بلحيل أظمـه
ساعة حظنته والطفل في يدي مـال = شميت ريحتها على أطراف كمه
واليوم بنت الناس فـي بيـت رجـال = حب على غير الشرف لي مذمـه
مجبور أعوّد واشتكي لكـل الأجيـال = بنفـس حزينـه تايـهـه مستهـمـه
برجـع غـريـب مسكنه بــر ورمــال = يحيـا يمـوت ويندفـن مـا يهـمـه

المشاركة الأصلية كتبت بواسطة بن برقا . . . صح لسانك يا النويري وصح لسان الشاعر... قصة مؤثرة ... وقصيدة مؤثرة... تدل على صدق مشاعر الشاعر... والقصيدة سمعتها ملحنة بصوت الشاعر زيد العضيلة والشاعر تركي الميزاني وبأجيبها لكم فالمنتدى إن شاء الله لكن يبيلي أدور الشريط... تقبل تحياتي..............................بن برقا