ياالله ياعالم وش يكون ويصير= ياكافل(ن)رزق اليتامى مع الطير
تكتب لنا الخيرة وتكتب لنا الخير =ياالله على بابك يافتاح الأبواب

ألا يا حبيب بين جمع الجماهير =نزين السوالف بين روحة وجية
أعرفك من اللي يحكمون التعابير =وأبا منك يا حبيب حلول القضية

الليل يأبوزيد والسيف سنه= والداب سمه بين نابه وسنه
وإن مات وألا مت فالموت سنة =ياالله على بابك يافتاح الأبواب

يبى يشرب الظميان والجم فاالبير= ولو الهوا قدام شدد طمية
ليا ضف ريشك وأنت ماطرت ياطير=مكانك مكانك في الضحى والعشية

أنا ماأسل السيف دايم واحده= على إبن عم(ن)ماتعدى لحده
مذكور من مكة ليا حد حده =ياالله على بابك يافتاح الأبواب

على العد خلق الله ورود ومصادير= وطبعي ما جازيت الحساني بسية
تراني ماأقدم في اللزوم المعاذير =وكانك غني نفسي تراها غنية

أناماأقول السيف للربع سله=سله على المسلول وإن بان سله
وإن جيت مع ربعك فــ خاطرك سله=ياالله على بابك يافتاح الأبواب

ترى الوضع يارجال يحتاج تفكير= ماهوب اشتر شدادك وتلقى مطية
تبى روضة الجنه وقدمك زمهرير= وعيد رمضان أقرب لك إمن الضحية

ياالعازمي في تالي الوقت وش صار= قصرت يدين وطالت ايدينن قصار
وأنا بهذا الأمر والله محتار =ياالله على بابك يافتاح الأبواب

أبنشدك عن علم(ن)ويحتاج تفسير= عن اللي شرد له في ديار(ن)خلية
ترى النار والجنة مع الشر والخير= هذا عنـد ربـي يا زبـون الونيــة

يانجد يااللي فيك ربع(ن) نشاما =الله يغيثك من سحاب(ن) نشى ما
لوالنوايا مايروحن شاما =ياالله على بابك يافتاح الأبواب,

انا مادريت اللي سمعته خبر غير= يقولون إبه راعي غدا بالرعية
ابوزيد لويغزي على سالم الزير =ليا صار مرهي غلطة(ن)مطبعية

قالوا حبيب قاطع اهل الدينمرك = أهل الغدر والبوق والكفر والشرك
وحنا عتيبة كلبونا نناصرك =ياالله على بابك يافتاح الأبواب

ترى القوم في دربك تدق المسامير=وأنا أبغاك بسيوفك تضد السريـة