الهيـــــــــــــلا *** منتدى قبيلة عتيبة - ماهيب من قـوم ابو دقـه وتسكـيره

قصيده سمعتها وعسى تعجبكم


	رجم الهوى اللي لعن كوثر جماهيره .. عز الله انـه مايسـتاهل تعب سـاقي تعـبتهــا في مـراقيـه ومشـــــاويره .. ذي جـرتي نازل وذي جرتي راقي لبيه ياسـاره ! ولبــيه يامنيــره .. بمهـبل الناس مدري ويـش انا لاقي صـدر الشمالي عليهن فـك ازاريره .. اللـي من اّدم وحـواء مابعد ضـاقي جن بالمـدينه على غـفـله من الديره .. وتورطن بالرومنسيــه بالاســواقي مايكــتبن اســاميهـن بالطباشــيره .. بيعلمنك عن المـوضه والاذواقي!! وجيههن، طالعات من الكـوافـيره .. من خلـط الالوان كنها سبحة عراقي البدي، والهيكل، اللي ماتبي غيره .. اسـطب ، واستبنتين ، وقير عـلاقي مافـيه داعــي اجامــلهن بتبشيره .. واقـول مشــتاق لو مانيب مشــتاقي ماهن بكفو السهر والحزن والغيره .. ودموعي وشعري الموزون واوراقي كرت احمـر وباب طياره وتسفيره .. في قلعـة الـوادرين وبالف طقــاقي الهـندي ووايته والعود وبعيره .. هـذا مـدور ذهـيب وذاك ســواقي لو ما انصفتني سنين العمر الاخيره .. ما طبقت عيني احداقي على احداقي قفلت سيرة علاقات وبدت سيره .. اللي عليه الكـلام وهـقوة الهــاقي ابرك ضيوف الهوى واغلى مساييره .. ريحانتن تقطف اللهفه من اعماقي ماهيب من قـوم ابو دقـه وتسكـيره .. من قـوم لا حاسبت ما تاخـذ البـاقي لها على الـزين تهـليله وتكــبيره .. انعم من الورده اللي في طرف الساقي ماهيب اميره لكنها جنب الامـيره .. ذات الحسب والنسب والمستوى الراقي من اغنياء الرياض ومن هواميره .. شركات ابوها بضايعها في الاسواقي يومي لها الغصن وتغني عصافيره .. والامـر ينقـاد لارضـاهـا وينساقي ما زين اخلاقي الطـب بعقاقيره .. لولا عقـاقـيرها ما زانت اخــلاقـي غيداء سهـم عينها من قو تأثـيره .. مخسرن سوق الاسهم عند الاغـلاقي من قبلها الحـظ من جفره لدحديره .. لين اوعـدت للزمان وحرر اوثــاقي واعتظت عن قوم ابو دقه وتسكيره؟ .. باللي ليـا حاســبت ما تاخـذ الباقي!

منقووول