ألا ياعصر قلبي عصر يومنّا تركنا مصر = بعد جينا السعودية تركت بمصر محبوبي
حبيبٍ بانيٍ له في ضميري فلّتين وقصر = أحبه حب ما له طب لأجله كثرت ذنوبي
مشى طيفه على كيفه ولو انه حصرني حصر = وأنا منوّل معي عزة وعند الناس مهيوبي
ليا شفته جماهير الهلال يشجعون النصر = واقول لمن نشدني عاصمة لبنان نيروبي
اصلي الفجر في وقته واحسب انه صلاة العصر = تصير الأرض في عيني سماء و اضيّع دروبي
ليا مني ذكرت عيون محبوبي يضيع البُصر = كحيل العين عقل وزين والأوصاف رعبوبي
ظريف الطول عوده لا ثنيته ينهصر لك هصر = مثل عود البشام اليا ثنته الريح نبنوبي
و الا يا ويل حالي كان ما شفنا نحيل الخصر = صروف الوقت خلّت كل ميلات الزمن دوبي
ألا يا مصر جعل الله يفرّجها عليك بنصر = تعيش بعـز و ديارك عليها الخير مصبوبي
اثاري بُعد محبوبي ونسيانه وقطع الوصر = قبل ما اطلع على الدنيا وهو في اللوح مكتوبي