القلب طمعن فيه نجوى مـع اريـام=كـل وحدتـن منهـن تبـا تستحلـه
بيحملنـه فاالهـوى جـروح واثـام=يبغنـه الهـن يسهـر الليـل كـلـه
ونا فؤادي محرمه عشـق الاوهـام=مهوب لطـرف عاشـق يجيـه تلـه
نجوى تقول بداخلـي ثـارت الغـام=جوفي حصلـه شـي ماقـد حصلـه
انا احبك يابن مشيـب مـن العـام=جافـي وحبـك غـث حالـي وسلـه
اجرمت فيه ونته اسبـاب الاجـرام=وزودت يامقـبـول فالطـيـن بـلـه
انام وتجيني معـا طيـف الاحـلام=وقلبـي ادورلـه وخـالـن محـلـه
خلني انـا ويـاك نستوطـن الشـام=وفرصتـك يالظميـان ريقـك تبـلـه
نفطر مدام انـا مـن البعـد صيـام=واليا ارتـوى خافقـك عـود وعلـه
حبي لشخصك ماحصل بين الاقـوام= ولاهـو هـوى تلـفـاز والامجـلـه
واريام لجلي صابها جنـون وهيـام=والدمـع مـن شانـي بردهـا يهلـه
تشكي علي ودمعهـا بـل الاكمـام=وتحلف مبى غيـرك مـن النـاس لله
تقول لجلك بحتشـم والبـس الثـام=مخلصتن الك وخل مـن جـاك خلـه
باخذك يم دبـي فـي ذيـك الانعـام=خلنـى نفـل الوضـع خلنـا نفـلـه
رص الحشا على الحشا شهور وعوام=فـي موقعـن امـن ولافـيـه ذلـــه
يكفيك ماقد ضاع في مـاض الايـام=قربـك مـراد القلـب وعـلاج غلـه
ما انلام يامقبول ما انلام مـا انـلام=من زود حبـك صـار فالعقـل خلـه
قلت اسمحنلي رب هالكـون عـلام=باللـي فـالارض وفالنجـوم المطلـه
انا اتبع محمد علـى ديـن الاسـلام=والديـن مايسمـح لنـا بـاي زلــه
يهمني وصـل القرايـب والارحـام=والعشـق ودروبـه غشيـم ولا ادلـه

المشاركة الأصلية كتبت بواسطة خلف بن مرزوق ... .. قصيدة رائعة يامقبول وهذا مااعتدناه منك التميز في طروحاتك والقاء اروع وبعد اذنك في تنسيق الابيات دمت للهيلا مودتي .

المشاركة الأصلية كتبت بواسطة ابـن نـعـيـس بيض الله وجهك يابن العم رائعه من رائع لاهنت تحيااااااااااااااااااااااااتي