ياليتني جنبت مناك مناك = ولاجيتهم مستردف لي رديفي
ولاجيتهم من فوق دمثات الأوراك = شيب الغوارب مبعدات الوليفي
لاوالله الا علقوني بشباك = شبك الدلي من فوق قامت عفيفي
ان كان مقبل كل ماقلت يفداك = ماحدت البصره لدار الخليفي
وان كان مقفي قلت يابكرة الراك = مايتبع المقفي ياكود الضعيفي
يابوهدب عين الى طرفت افكاك = يضفي الى حد الحدق بالرفيفي
ياحمود سق في شمعة الدار حمراك = لو كان بي تهفي بشان الشريفي
دوك اللقوح وبنت خرمان تقفاك = صفر صفوق اذيالهن بالخليفي
ويش الحول في بنت ذباح الأتراك = مرخي على ارقاب السبايا الرهيفي

صح لسان الشاعر

وتسلم يمينك ياصاحب الموضوع

واخي الي تسال عن قصائد وروايات شليويح العطاوي موجوده في قسم فرسان القبيله

مع جزيل الشكر