كريم يابرق سرى يرفي = في وجهت الطائف سرى له كشافي
البارحة سهران وعيني ترفي = وعيا يجيني النوم داخل الحافي
والقلب والهوجاس يقبل ويقفي = عودت أسلي القلب بزين القوافي
نار بجوف القلب عيت تطفي = ولا عاد تطفي لو تجيها المطافي
ساعة تركت الدار عنها مقفي = أحس وسط القلب مثل الشلافي
تركتها ياعون ماهوب شفي = أمر الزمن ومن الزمن يامكافي
ولاأدري عن الأيام ماذا تخفي = مار الخطر موجود والموت خافي
دنيا خطيرة لعن أبوها تلفي = ما بين يوم وليل فيها إختلافي
يمشي بها العاقل واللي مصفي = وفلان معه إحذاء حافي
غرائب تجعلك منها تعفي = دنيا القشر ماعاد فيها عوافي
ولولا الورق خلص والحبر جفي= لعلمك حتى علوم خوافي